“قهوة الصبح تطوّل العمر وتحمي القلب.. بس أوعى تشربها طول اليوم!”

قال الدكتور جمال شعبان، استشاري أمراض القلب والأوعية الدموية، إن القهوة مش بس مشروب صباحي محبوب، لكنها كمان “كحول الأذكياء”، وواحدة من الحاجات اللي ممكن تفرق في صحتك وحياتك بشكل كبير.

وأضاف  جمال أن تناول القهوة من ٣ إلى ٥ أكواب يوميًا، وخصوصًا في الصباح، له تأثيرات صحية مذهلة، مش بس على المزاج، لكن كمان على القلب والمخ وكل الجسم. وأشار إلى أن القهوة غنية بمضادات الأكسدة، وده بيساعد على تقليل معدل الوفيات، وخصوصًا الوفيات الناتجة عن أمراض القلب.

وأكد أن القهوة لا تسبب الذبذبة الأذينية ولا بتعمل اضطراب في كهرباء القلب، بل العكس تمامًا، فهي بتقلل خطر الإصابة بـتصلب الشرايين التاجية، وبتدعم صحة المخ والأعصاب، وكمان بتقلل فرص الإصابة بالألزهايمر (العته المبكر) ومرض باركنسون.

وبحسب دراسات حديثة أجرتها جامعتي هارفارد وتولين، فإن القهوة لها دور كبير في إطالة العمر، بشرط إن شربها يكون في الصباح. وأكدت الدراسة اللي نُشرت في مجلة القلب الأوروبية أن تناول القهوة في ساعات الصباح بيقلل مخاطر الوفاة لأي سبب بنسبة 16%، وبأمراض القلب بنسبة 31%، مقارنة باللي مش بيشربوها خالص.

أما الناس اللي بتشرب قهوة طول اليوم، فالدراسة ملقتش عندهم نفس الفايدة، بل السر كله في “التوقيت”.

وقال الباحث الرئيسي في الدراسة، د. لو تشي: “مش بس عدد الأكواب هو اللي يفرق، لكن وقت شرب القهوة بيأثر على الاستفادة منها، وده شيء لازم ناخده في الاعتبار في النصائح الغذائية المستقبلية”.

وتستعرض لكم طب توداي  أهم فوائد القهوة الصباحية:

• تحمي القلب وتقلل خطر الوفاة بنسبة تصل لـ31%.
• تمنع تصلب الشرايين التاجية وتحافظ على كهرباء القلب.
• تقوي الذاكرة وتقلل خطر الألزهايمر وباركنسون.
• تحسن المزاج وتقلل التوتر والضغط النفسي.
• تساعد على الوقاية من السكر النوع الثاني.
• تحارب تليف الكبد وسرطان الكبد.
• أفضل توقيت؟ من الصبح لحد الضهر… مش طول اليوم!
• الكمية المثالية؟ من 2 لـ3 أكواب… بس من غير سكر كتير!