“درس في اختيار الشريك.. هبة حطت جوزها على ضهرها ومشت”

تداول رواد مواقع التواصل الاجتماعي خلال الساعات الماضية قصة إنسانية مؤثرة لزوجة مصرية تُدعى “هبة”، تبلغ من العمر 32 عامًا، من منطقة المرج، تحمل زوجها المريض على ظهرها يوميًا، وتتنقل به عبر المترو من وإلى المستشفى لتلقي جلسات الغسيل الكلوي.

“هبة”، التي لا تزال في عمر الشباب، قررت أن تكرس حياتها لرعاية زوجها “خالد”، الذي يعاني من فشل كلوي، وتضخم بالكبد، وهشاشة عظام، وضعف بعضلة القلب. على مدار 6 سنوات، لم تتخل عنه، بل أصبحت له ظهرًا وسندًا، تعمل وتنفق وتتحمل، وتثبت كل يوم أن الوفاء لا يُقاس بالكلام بل بالفعل.

تصريح الزوج أثار تعاطف الآلاف، حين قال: “أمي شالتني 9 شهور في بطنها، وزوجتي شالتني 6 سنين على ضهرها. ربنا يكرمها زي ما كرمتني.”

وتستعرض لكم طب توداي من خلال القصة دي: إزاي تختار الشريك الصح؟ وإيه العلامات اللي لازم تبص عليها قبل ما تقول “نعم”؟

1. الشريك الصح بيبان وقت الشدة، مش وقت الفسحة:

الشخص اللي يفضل جنبك وإنت مكسور، مريض، أو حتى مش قادر تضحك، ده اللي فعلاً يستحق.

2. بص على أخلاقه وقت الأزمة، مش كلامه وقت الراحة:

في ناس بتتكلم حلو جدًا، لكن أول ما الدنيا تتعقّد، يختفوا.

3. اسأل نفسك: لو الظروف اتغيرت، هيكمل معايا؟

زي ما “هبة” كملت، فيه ناس تانية بتخلع من أول اختبار.

4. الزواج مش صورة على إنستجرام.. الجواز فعل ومسؤولية وتحمل.

في النهاية، “هبة” مش مجرد زوجة، دي رمز لناس قليلين أوي، لسه عندهم أصل، وبيفكروا بقلبهم وعقلهم.

اختاروا صح.. لأن الحياة طويلة، ومش دايمًا سهلة، ومحتاجين حد يشيل معانا مش يزقنا لتحت.