الدكتورة هدى رمزي: ليه الراجل بيزهق بسرعة وشهوته أعلى؟ ودي الفرامل الوحيدة اللي بتوقفه| فيديو

قالت الدكتورة هدى رمزي أستشاري الصحة النفسية، إن طبيعة الرجل النفسية والعاطفية تختلف تمامًا عن المرأة، مشيرة إلى أن الرجل يمتلك ثلاث صفات رئيسية تجعله أكثر قابلية لتعدد العلاقات إذا لم يكن هناك رادع داخلي.

وأوضحت أن “الراجل ملول، يعني بيزهق بسرعة، وشهوته كمان أعلى من الست بكتير، وبيقدر يحب أكتر من واحدة في نفس الوقت، ممكن يحب 4 أو 5، وده مش معناه خيانة مباشرة، لكنه بيدل على تركيبة نفسية مختلفة”.

وأضافت: “مهما كانت زوجته جميلة، أو بتراعيه، ده مش بيمنع إنه ممكن يبص بره، لو مفيش رادع قوي”.

وشددت الدكتورة رمزي على أن هناك نوعين فقط من “الفرامل” اللي ممكن يوقفوا الراجل عن التورط في علاقات خارج إطار الزواج. النوع الأول هو الإيمان والخوف من الله، قائلة: “لو الراجل بيخاف ربنا ومش عايز يعمل حاجة حرام، ده بيردعه فعلاً”. أما النوع الثاني، فهو الحب الحقيقي والتقدير للزوجة، موضحة: “لو بيحب مراته بجد وبيحس بقيمتها، صعب جدًا يبص لغيرها حتى لو عنده القدرة”.

وأكدت أن دور الزوجة لا يقل أهمية عن هذه العوامل، لكنها ليست المسؤولة الوحيدة، وقالت: “الست لو اتعاملت بحب واحترام، وعرفت تحتوى الراجل، ممكن تساعده يثبت على علاقتهم، بس برضه لو هو ماعندوش رادع داخلي، مش هتقدر تعمل كل حاجة لوحدها”.

واختتمت حديثها بالتأكيد على أهمية التربية الدينية والعاطفية السليمة من الصغر، لتكوين شخصية متوازنة قادرة على الالتزام والوفاء داخل العلاقة الزوجية.

للمزيد من التفاصيل حول تلك المعلومات يمكنك مشاهدة هذا الفيديو 👇 

https://www.facebook.com/share/v/1AQmQuXfs9/

في فقرتنا مع “طب توداي“، هنقدملك أهم نصائح للستات لازم تراعوها في حياتهم اليومية:

1- اهتمي بأكلك: خلي أكلِك صحي ومتوازن، أكثري من الخضار والفواكه، وقللي الأكلات الدهنية والمصنعة.

2- اعملي فحوصات دورية: زي فحص الضغط، السكر، والهرمونات عشان تكتشفي أي مشكلة بدري.

3- مارسي الرياضة بانتظام: حتى المشي نص ساعة يوميًا بيحافظ على صحتك النفسية والجسدية.

4- خليكي متواصلة مع نفسك: اهتمي بصحتك النفسية، خدي وقت لنفسك، وحاولي تتكلمي مع حد تثقي فيه لو مضغوطة.

5- حافظي على علاقتك الزوجية: الكلام والاحترام بيخلو الحياة أسهل وأجمل.